சமையல்

சமையல்:

சமையலில் அனுபவம் இல்லாதவர்கள்கூட மிக எளிமையாய் சமைக்கும் வண்ணம் இந்த குறிப்புகள் இருக்கும்.
சாதாரண உணவுகள், பாரம்பரிய உணவுகள், நவீன உணவுகள் என்று அனைத்து வகை உணவுகளின் செய்முறைகளும் இங்கே தொகுத்து கொடுக்கப்பட்டுள்ளன.
யாவரும் எளிதாக சமைக்கும் வண்ணம், படிப்படியான செய்முறை விளக்கப்படங்களுடன் கூடிய குறிப்புகள்..
தெளிவானப் படங்களுடன் தினமும் ஒரு புது குறிப்பு..
நபர்களின் எண்ணிக்கைக்கு ஏற்றார்போல் தேவையானப் பொருட்களின் அளவை கூட்டவோ, குறைக்கவோ விரும்பினால், ஒரே விகிதத்தில் அனைத்துப் பொருட்களின் அளவிலும் மாற்றம் செய்யவும்.
உணவு, உடை, அலங்காரம், ஆரோக்கியம் இப்படி எல்லாத்துறை சம்பந்தமான உங்கள் சந்தேகங்களுக்கு அறிந்தவற்றை மற்றவர்களுடன் பகிர்ந்துகொள்ளவும், அறியாதவற்றை கேட்டறிந்து கொள்ளவும் உதவும் பகுதி
நீங்கள் எளிதாய் சமையல் கற்றுக்கொள்ள, உதவும் பகுதி இது...
இனிப்பை விரும்பாதோர் இவ்வுலகில் உள்ளனரா என்பது சந்தேகமே.
இனிப்புகள் உடலுக்கு உடனடி சக்தியை அளிக்ககூடியவை.அளவோடு இருப்பின் உடலுக்கு கெடுதல் இல்லை.

காரட் அல்வா

தேவையான பொருட்கள்
துருவிய காரட்- கால் கிலோ
பால்- அரை கப்
கண்டென்ஸ்ட் மில்க்- 10 மே.கரண்டி
நெய்- 4 மே.க
முந்திரிப்பருப்புத்துண்டுகள்- 1 மே.க
உலர்ந்த திராட்சை- 1 மே.க
ஏலப்பொடி- அரை ஸ்பூன்

செய்முறை:

ஒரு வாணலியை அடுப்பில் வைத்து சூடாக்கவும்.
துருவிய காரட், நெய் சேர்த்து சுண்டும் வரை மெதுவான தீயில் சமைக்கவும்.
பிறகு பாலைச் சேர்த்து அது சுண்டும் வரை சமைக்கவும்.
அதன் பின் கண்டென்ஸ்ட் மில்க் சேர்த்து கிளறவும்.
நெய்யில் முந்திரி, திராட்சையை பொன்னிறமாக வறுத்துக் கொட்டவும்.
காரட் அல்வா திரண்டு, அடியில் பிடிக்காது, ஒட்டாது சுருண்டு வரும்போது இறக்கவும்.